Mk stalin Modi: நீட் விலக்கு.. மோடியிடம் நேரடியாக போட்டு உடைத்த ஸ்டாலின் – chief minister mk stalin asks pm narendra modi to consider exemption for tamilnadu from neet

தமிழகத்தில் புதிதாக அமைக்கப்பட்டுள்ள 11 அரசு மருத்துவக் கல்லூரிகள் மற்றும் செம்மொழி தமிழாய்வு மத்திய நிறுவனத்திற்கான புதிய கட்டடம் ஆகியவற்றை காணொளிக் காட்சி வாயிலாக பிரதமர் நரேந்திர மோடி இன்று திறந்துவைத்தார்.

இந்நிகழ்வில் முதல்வர் மு.க.ஸ்டாலின், மத்திய சுகாதாரத் துறை அமைச்சர், தமிழக ஆளுநர், அமைச்சர்கள், அரசு அதிகாரிகள், மாவட்ட ஆட்சியர்கள், மருத்துவர்கள் உள்ளிட்டோர் பங்கேற்றனர்.

அப்போது, நீட் தேர்வில் இருந்து தமிழகத்துக்கு விலக்கு அளிக்க வேண்டுமென பிரதமர் மோடியிடம் நேரடியாக கோரிக்கை வைத்தார் முதல்வர் மு.க.ஸ்டாலின். நீட் தேர்வில் இருந்து தமிழகத்துக்கு விலக்கு அளிக்க வேண்டும் என்ற கோரிக்கை நீடிக்கிறது.

இதற்காக நீட் விலக்கு மசோதாவையும் தமிழக அரசு ஆளுநரிடம் அனுப்பிவைத்துள்ளது. ஆனால், மசோதாவை குடியரசுத் தலைவருக்கு அனுப்பாமல் ஆளுநர் காலம் தாழ்த்தி வருகிறார். மசோதாவை குடியரசுத் தலைவருக்கு அனுப்பிவைக்க வேண்டுமென ஆளுநருக்கு பல்வேறு அரசியல் கட்சிகள் அழுத்தம் கொடுத்து வருகின்றன.

தமிழக அமைச்சரவையில் திடீர் மாற்றம்; தலைமை செயலாளர் புதிய உத்தரவு!
இதுமட்டுமல்லாமல், நீட் விலக்கு மசோதா குறித்து பேசுவதற்காக சென்ற தமிழக எம்.பிக்களை உள்துறை அமைச்சர் அமித்ஷா சந்திக்க மறுப்பதாக திமுக எம்.பி டி.ஆர்.பாலு குற்றம்சாட்டியுள்ளார்.

நீட் விலக்கு தொடர்பாக அடுத்தகட்ட நடவடிக்கை குறித்து ஆலோசிக்க முதல்வர் மு.க.ஸ்டாலின் தலைமையில் ஆலோசனைக் கூட்டமும் நடைபெற்றது. இதில், நீட் விலக்கு தொடர்பாக தமிழக அரசு எடுக்கும் முயற்சிகளுக்கு முழு ஒத்துழைப்பு தருவதாக பாஜக தவிர எல்லா கட்சிகளும் ஆதரவு தெரிவித்தன. நீட் விலக்கு விஷயத்தில் சட்டப்போராட்டம் நடத்தப்போவதாக அனைத்துக் கட்சி கூட்டத்தில் முடிவெடுக்கப்பட்டது.

இந்நிலையில், இன்று நடைபெற்ற மருத்துவக் கல்லூரிகள் திறப்பு நிகழ்வில், நீட் விலக்கு கோரிக்கையை ஒன்றிய அரசு நிறைவேற்ற வேண்டுமென பிரதமர் நரேந்திர மோடியிடம் மு.க.ஸ்டாலின் நேரடியாக கேட்டுக்கொண்டார்.

இந்நிகழ்வில் முதல்வர் மு.க.ஸ்டாலின் பேசியபோது, “பல மாநிலங்களில் மருத்துவர்களின் பற்றாக்குறை நிலவி வரும் இச்சூழலில், தமிழ்நாட்டில் மருத்துவம் பயிலும் மாணவர்கள் கிராமப்புறங்களிலும் அரசுத் துறையிலும் சிறப்பாக சேவை செய்வதற்கு தமிழ்நாடு அரசின் மாணவர் சேர்க்கை கொள்கையே அடிப்படையாகும்.

எங்களது கொள்கை, இந்த வாய்ப்புகளை தமிழ்நாட்டில் உள்ள கிராமப்புற – ஏழை – எளிய மாணவர்களுக்குக் கிடைக்கச் செய்வதே. தமிழ்நாட்டின் மருத்துவத்துறையின் வெற்றியும் இந்தக் கொள்கையின் விளைவே. இந்த அடிப்படைக் கொள்கை பாதிக்கப்பட்டுவிடக்கூடாது என்பதற்காகத்தான் நீட் தேர்விலிருந்து தமிழ்நாட்டிற்கு விதிவிலக்கு அளிக்க வேண்டும் என்று தொடர்ந்து வலியுறுத்தி வருகிறோம்.

எனவே மனிதவள ஆற்றலின் அடித்தளமாக அமைந்துள்ள மாணவர் சேர்க்கை முறை தொடர்பான தமிழ்நாடு அரசின் கோரிக்கையை ஒன்றிய அரசு நிறைவேற்றித் தர வேண்டும்” என்று கேட்டுக்கொண்டார்.

Source link
tamil.samayam.com
https%3A%2F%2Ftamil.samayam.com%2Flatest-news%2Fstate-news%2Fchief-minister-mk-stalin-asks-pm-narendra-modi-to-consider-exemption-for-tamilnadu-from-neet%2Farticleshow%2F88857671.cms
https://tamil.samayam.com/latest-news/state-news/chief-minister-mk-stalin-asks-pm-narendra-modi-to-consider-exemption-for-tamilnadu-from-neet/articleshow/88857671.cms

Leave a Reply

%d bloggers like this: