China Lockdown: மீண்டும் முழு ஊரடங்கு… மறு உத்தரவு வரும் வரை – அரசு அதிரடி! – china locks down anyang city amid rising omicron scare

ஹைலைட்ஸ்:

  • மீண்டும் முழு ஊரடங்கு…
  • மறு உத்தரவு வரும் வரை
  • அரசு அதிரடி!

கொரோனா பரவல் அதிகரித்து வருவதை அடுத்து மீண்டும் முழு ஊரடங்கு அமல்படுத்தப்படுவதாக அரசு அறிவித்துள்ளது.

சீனாவின் வூகான் நகரில், கடந்த 2019 ஆம் ஆண்டு டிசம்பர் மாத இறுதியில் முதன் முறையாக கோவிட் – 19 எனப்படும் கொரோனா வைரஸ் தொற்று பரவியது. இது இந்தியா, அமெரிக்கா, பிரிட்டன், பிரான்ஸ், இத்தாலி உள்ளிட்ட பல்வேறு நாடுகளுக்கு பரவி கடுமையான பாதிப்புகளை ஏற்படுத்தியது. தற்போது கொரோனா வைரஸ் தொற்றுக்கு எதிராக தடுப்பூசி கண்டுபிடிக்கப்பட்டு விட்டாலும், அது பல்வேறு வகைகளில் உருமாற்றம் அடைந்து பரவி வருவது, மக்களை மட்டுமல்லாமல், சுகாதாரத் துறையினரையும் அச்சத்தில் ஆழ்த்தி உள்ளது.

கொரோனா தொற்றை குறுகிய காலத்திலேயே கட்டுப்படுத்திய சீனாவில், தற்போது மீண்டும் கொரோனா தலைக்காட்டத் துவங்கி உள்ளது. கடந்த ஓரிரு மாதங்களாக அங்கு தினசரி கொரோனா பாதிப்பு அதிகரித்து வருகிறது. சீனாவின் உள்ளூர் நகரங்களிலும், வெளிநாடுகளில் இருந்து வந்த பயணிகள் மூலமாகவும் அங்கு கொரோனா பரவியதாக கூறப்படுகிறது.

சீக்கிரம் பேன்டமிக் முடியும்.. ஆனால் கொரோனா நம்முடனேயே “வாழும்”.. நிபுணர்கள்!
இதனையடுத்து கொரோனா பரவலை கட்டுப்படுத்தும் விதமாக சீனாவின் ஷியான் மற்றும் யூசோவ் ஆகிய 2 நகரங்களில் முழு ஊரடங்கு அமல்படுத்தப்பட்டு உள்ளது. இந்நிலையில் மூன்றாவது நகரமாக அன்யாங் என்ற நகரத்திலும் தற்போது முழு ஊரடங்கு அமல்படுத்தப்படுவதாக அறிவிக்கப்பட்டு உள்ளது. அந்நகர மக்கள் வீட்டை விட்டு வெளியே செல்ல தடை விதிக்கப்பட்டுள்ள நிலையில் வாகன போக்குவரத்துக்கு முற்றிலும் தடை விதிக்கப்பட்டு உள்ளது.

சீனாவில் வரும் பிப்ரவரி மாதம் குளிர்கால ஒலிம்பிக் போட்டிகள் நடைபெற உள்ள நிலையில், தற்போது அங்கு கொரோனா பரவல் அதிகரித்து வருவதால், அதனை விரைவில் கட்டுப்படுத்தி நாட்டின் பிற பகுதிகளுக்கு பரவாமல் தடுக்கும் நடவடிக்கையில் சீன அரசு தீவிரம் காட்டி வருவது குறிப்பிடத்தக்கது.

Source link
tamil.samayam.com
https%3A%2F%2Ftamil.samayam.com%2Flatest-news%2Finternational-news%2Fchina-locks-down-anyang-city-amid-rising-omicron-scare%2Farticleshow%2F88855516.cms
https://tamil.samayam.com/latest-news/international-news/china-locks-down-anyang-city-amid-rising-omicron-scare/articleshow/88855516.cms

Leave a Reply

%d bloggers like this: