Adsterra

tn municipal election: திமுகவோடு முரண்படும் மார்க்சிஸ்ட்: நீங்களும் இப்படி பண்ணலாமா? – marxist communist has demanded that election for the post of local head should be held as a direct election by the people

நகர்ப்புற உள்ளாட்சித் தேர்தலுக்கான தேதி விரைவில் அறிவிக்கப்பட உள்ள நிலையில் உள்ளாட்சித் தலைவர்கள் மக்களால் நேரடியாக தேர்ந்தெடுக்கப்படுவார்களா, வார்டு கவுன்சிலர்கள் மூலம் தேர்ந்தெடுக்கப்படுவார்களா என்ற குழப்பம் மக்களிடையே நிலவுகிறது.

“நகர்ப்புற உள்ளாட்சி தேர்தலில் சிறிய மற்றம் செய்தால் கூட தேர்தலை நிறுத்த நீதிமன்றம் செல்ல வாய்ப்பு உள்ளது, இதனால் தேர்தல் நடத்த காலதாமதம் ஆகும். 2019ஆம் ஆண்டு அதிமுக ஆட்சியில் பொது வார்டு, பெண் வார்டு, ஆதிதிராவிடர் வார்டு என சென்னை மாநகராட்சிக்கு வரன்முறை படுத்தியபடியே இந்த முறை தேர்தல் நடைபெறும். அதிமுக தேர்தலை தள்ளிப் போட மேயர் பதவிக்கு நேரடி தேர்தல், மறைமுக தேர்தல் என மாறிமாறி கூறினர். கடைசியாக மேயர் பதவிக்கு அதிமுக சொன்னது மறைமுக தேர்தல். எனவே, அதன்படியே இம்முறை மேயர் தேர்தல் மறைமுகமாக நடைபெறும்” என்று மா.சுப்பிரமணியன் நேற்று தெரிவித்தார்.

இந்நிலையில் மேயா் பதவி உள்ளிட்ட நகா்ப்புற உள்ளாட்சித் தலைவா் பதவிக்கான தேர்தலை மக்களால் தேர்ந்தெடுக்கப்படும் நேரடித் தேர்தலாக நடத்த வேண்டும் என்று மாா்க்சிஸ்ட் கம்யூனிஸ்ட் கட்சியின் மாநிலக் குழு கூட்டத்தில் வலியுறுத்தப்பட்டுள்ளது.

டிஜிபியை கூப்பிட்டு ரவுண்டு கட்டிய ஸ்டாலின்!
மாா்க்சிஸ்ட் கம்யூனிஸ்ட் கட்சியின் மாநிலக் குழு கூட்டம் சென்னையில் நடைபெற்றது. அதில் நேரடி தேர்தலை நடத்தவேண்டும் என தீர்மானம் நிறைவேற்றப்பட்டது.

“தமிழகத்தில் நீண்ட காலமாக நகா்ப்புற உள்ளாட்சி தலைவா்களை மக்கள் நேரடியாக வாக்களித்து தேர்ந்தெடுக்கும் முறையே இருந்து வந்தது. அதிமுக ஆட்சி காலத்தில் அது கவுன்சிலா்கள் வாக்களித்து மறைமுகமாகத் தேர்ந்தெடுக்கும் வகையில் சட்டத்திருத்தம் செய்யப்பட்டது. இது ஜனநாயக முறைகேடுகளுக்கும், ஊழல்களுக்கும் வழிவகுக்கும் என்று பல கட்சிகள் கூறி வந்தன. அப்போது எதிா்க்கட்சியாக இருந்த திமுகவும் நேரடித் தேர்தலே நடத்த வேண்டும் என்று வலியுறுத்தியது.

ஸ்டாலின் கைக்கு போன ரிப்போர்ட்: கலக்கத்தில் அமைச்சர்!
தற்போது திமுக ஆட்சி பொறுப்பேற்ற பிறகு நடைபெறும் நகா்ப்புற உள்ளாட்சித் தலைவா்களுக்கான தேர்தலை நேரடி தேர்தலாக நடத்தும் வகையில் சட்டத்திருத்தம் கொண்டு வராமல் மறைமுகமாக நடத்த உள்ளதாகத் தெரிகிறது. இது ஜனநாயக மீறல்கள் நடப்பதற்கு வழிவகுக்கும்.
ஐயோ! டிசம்பர் 1 வரை இப்படித் தான்: தமிழ்நாடு வெதர்மேன் கணிப்பு!

எனவே, தமிழக அரசு தேவையான சட்டத்திருத்தத்தை அவசர சட்டமாகப் பிறப்பித்து நகா்ப்புற உள்ளாட்சித் தலைவா் தேர்தல்களை நேரடித் தேர்தலாக நடத்திட முன்வர வேண்டும்” என்று தீர்மானம் நிறைவேற்றப்பட்டுள்ளது.

வடகிழக்கு பருவமழையால் பாதிக்கப்பட்ட அனைத்து குடும்பங்களுக்கும் தலா ரூ.5 ஆயிரம் நிவாரணம் வழங்க வேண்டும் என்றும் வலியுறுத்தப்பட்டுள்ளது.

Source link

Leave a Reply

Adsterra
%d bloggers like this: