Adsterra

tim southee: IND vs NZ 1st TEST: 40 வருடங்களில் முதல்முறை…சௌதீ சாதனை: ஷ்ரேயஸ் 3ஆவது வீரராக சதம்! – india vs new zealand first test day 2 first session score card november 2021


இந்தியா, நியூசிலாந்து இடையிலான இரண்டு போட்டிகள் கொண்ட டெஸ்ட் தொடரின் முதல் போட்டி நேற்றுமுதல் துவங்கி நடைபெற்று வருகிறது. இப்போட்டியில் டாஸ் வென்ற இந்தியா பேட்டிங்கை தேர்வு செய்து, முதல் நாள் மூன்றாவது செஷன் முடிவுவரை 154/4 ரன்கள் சேர்த்திருந்தது. ஷர்ரேயஸ் ஐயர் 75 (136), ரவீந்திர ஜடேஜா 50 (100) ஆகியோர் களத்தில் இருந்தார்கள்.

முதல் செஷன்:

இந்நிலையில் இன்று இரண்டாவது நாள், முதல் செஷன் துவங்கியது. டிம் சௌதீ, கைல் ஜேமிசன் இருவரும் துவக்கத்தில் ஓவர்களை வீசினார்கள். ஜேமிசன் பந்துகள் ஸ்விங் ஆகவில்லை. ஆனால், சௌதீ வீசிய பந்துகள் சிறப்பான முறையில் ஸ்விங் ஆனது. அதுமட்டுமல்ல சௌதீ, இரண்டாவது ஓவரிலேயே ஜடேஜாவை 50 (112) வீழ்த்தி அசத்தினார்.

அடுத்து ஜேமிசன் தொடர்ந்து சொதப்பலாக பந்துவீசி, பவுண்டரிகளை விட்டுக் கொடுத்ததால், ரன்கள் கசிய துவங்கியது. இந்நிலையில் அறிமுக வீரர் ஷ்ரேயஸ் ஐயர் சதமடித்து, இந்திய அணிக்காக சதமடித்த அறிமுக வீரர்கள் லிஸ்டில் 16ஆவது வீரராக இணைந்தார். நியூசிலாந்துக்கு எதிராக அறிமுக வீரராக சதமடிக்கும் மூன்றாவது வீரர் இவர்தான்.

இதனைத் தொடர்ந்து நடைபெற்ற போட்டியில் ஜேமிசன் தொடர்ந்து சொதப்பலாக பந்துவீசியதால் ஒருபக்கம் சௌதீ, மறுபக்கம் ஸ்பின்னரை பயன்படுத்தி வந்தார் கேப்டன் வில்லியம்சன். இந்நிலையில் சௌதீ சிறப்பாக ஸ்விங் செய்து விருத்திமான் சாஹா ஷ்ரேயஸ் ஐயர் 105 (171), அக்சர் படேல் 3 (9) ஆகியோரை சௌதீ வீழ்த்தி, 5 விக்கெட்களை வீழ்த்திய வீரராக மாறினார். கான்பூர் மைதானத்தில் கடந்த 40 வருடங்களில் வேகப்பந்து வீச்சாளர் ஒருவர் ஒரு இன்னிங்ஸில் 5 விக்கெட்களை கைப்பற்றுவது இதுதான் முதல்முறையாகும்.

தொடர்ந்து விறுவிறுப்பாக நடைபெற்று வரும் போட்டியில் ரவிச்சந்திரன் அஸ்வின் சிறப்பாக விளையாடி 45 பந்துகளில் 38 ரன்கள் அடித்து களத்தில் இருக்கிறார். உமேஷ் யாதவ் 4 (28) இவருக்கு பக்கபலமாக இருக்கிறார். இந்தியா 339/8 ரன்கள் சேர்த்துள்ள நிலையில், இரண்டாவது நாள் முதல் செஷன் நிறைவடைந்துள்ளது.



Source link

Leave a Reply

Adsterra
%d bloggers like this: