Adsterra

nilgiris new collector: நீலகிரிக்கு புதிய கலெக்டர்: இன்னசென்ட் திவ்யா பணிமாற்றம் ஏன்? – amrit has been appointed as the new collector of the nilgiris district why was innocent divya transferred

நீலகிரி மாவட்ட ஆட்சியராக பதவி வகித்த இன்னசென்ட் திவ்யாவை பணிமாற்றம் செய்ய உச்ச நீதிமன்றம் அனுமதி வழங்கிய நிலையில், தற்போது அம்மாவட்ட ஆட்சியராக அம்ரித் நியமிக்கப்பட்டுள்ளார்.

நீலகிரி மாவட்ட ஆட்சியராக 2017 ஜூலை மாதம் இன்னசென்ட் திவ்யா பொறுப்பேற்றார். அதற்கு முன்னதாக மறைந்த முதல்வர் ஜெயலலிதாவின் தனி சிறப்பு அதிகாரியாக பணியாற்றியுள்ளார்.

நீலகிரி மாவட்ட ஆட்சியராக பொறுபேற்ற பிறகு சுற்றுச்சூழலைக் காக்கும் வகையில் பிளாஸ்டிக் ஒழிப்பு, தூய்மை இந்தியா பணியை சிறப்பாக முன்னெடுத்தார். இவரது அதிரடி திட்டங்களுக்கு பொதுமக்களிடையே பெரும் வரவேற்பு கிடைத்தது.

செந்தில் பாலாஜிக்கு டெல்லி செக்: என்ன செய்யப் போகிறார் ஸ்டாலின்?
யானை வழித்தடங்களை மீட்பது தொடர்பாக உச்ச நீதிமன்றம் அமைத்த மூவர் குழுவோடு இணைந்து ஆக்கிரமிப்பு செய்த ரிசார்ட்டுகளை அப்புறப்படுத்தும் பணியில் சிறப்பாகவும் யாருக்கும் வளைந்து கொடுக்காமலும் செயல்பட்டார் என்று மக்களால் பாராட்டப்பட்டார்.

இந்நிலையில் 2019ஆம் ஆண்டு அதிமுக ஆட்சிக் காலத்தில் இன்னசென்ட் திவ்யாவை இடமாற்றம் செய்யும் பணிகள் நடைபெற்றதாக கூறப்படுகிறது. இதற்கு எதிர்ப்பு தெரிவித்து வழக்கறிஞர் யானை ராஜேந்திரன் தொடர்ந்த வழக்கில், ”உச்ச நீதிமன்றத்தின் அனுமதியில்லாமல் அவரை இடமாற்றம் செய்யக் கூடாது” என நீதிபதிகள் உத்தரவு பிறப்பித்தனர்.

ஸ்டாலின் கைக்கு போன ரிப்போர்ட்: கலக்கத்தில் அமைச்சர்!
இதனால், கடந்த 4 ஆண்டுகளாக பல்வேறு மாவட்ட ஆட்சியர்கள் பணிமாற்றம் செய்யப்பட்ட போதிலும் அவர் மட்டும் அங்கேயே தொடர்ந்தார். யானை வழித்தடங்களை மீட்கும் பணிகளில் இன்னசென்ட் திவ்யா தொடர்ந்து ஈடுபட்டு வந்தார்.

amrith

இந்நிலையில் நிர்வாக காரணமாக இவரை பணி மாற்றம் செய்ய அனுமதிக்க கோரி தமிழக அரசு சார்பில் உச்ச நீதிமன்றத்தில் மனுதாக்கல் செய்யப்பட்டது. அதில், ”நிர்வாகரீதியிலான பணிகளை மேற்கொள்வதற்கு இன்னசென்ட் திவ்யாவை இடமாற்றம் செய்வது அவசியமாகிறது” எனக் குறிப்பிட்டிருந்தது. இந்த மனுவை விசாரித்த உச்ச நீதிமன்றம் கடந்த 16ஆம் தேதி இன்னசென்ட் திவ்யாவை பணியிட மாற்றம் செய்வதற்கு அனுமதி வழங்கியது.

டிஜிபியை கூப்பிட்டு ரவுண்டு கட்டிய ஸ்டாலின்!
இதனை ஏற்றுக்கொண்ட உச்சநீதிமன்றம், இன்னசென்ட் திவ்யாவை பணிமாற்றம் செய்ய அனுமதித்து உத்தரவிட்டது. இதற்கிடையே, நீலகிரி மாவட்ட ஆட்சியராக இருந்த இன்னசென்ட் திவ்யாவிற்கு கடந்த மாதம் கொரோனா பாதிப்பு ஏற்பட்டது. அவர் ஒரு மாத விடுப்பில் இருந்து வந்தார். மாவட்ட வருவாய் அலுவலராக உள்ள கீர்த்தி பிரியதர்ஷினி கலெக்டர் பொறுப்பு வகித்து வந்தார்.

இந்நிலையில், நீலகிரி மாவட்ட புதிய ஆட்சியராக நகராட்சிகளின் இயக்குநர் பதவி வகித்து வந்த அம்ரித்தை தமிழக அரசு நேற்று நியமித்தது. இவர் இன்று (நவம்பர் 26) பொறுப்பேற்கிறார்.

Source link

Leave a Reply

Adsterra
%d bloggers like this: