Adsterra

ஆதரவற்ற பெண்களுக்கு 5 விலையில்லா ஆடுகள்; தமிழக அரசின் ஜாக்பாட்!



தமிழக அரசின் கூடுதல் தலைமை செயலாளர் வெளியிட்டுள்ள அரசாணையில், ஏழ்மை நிலையில் உள்ள கணவனை இழந்த அல்லது கைவிடப்பட்ட மற்றும் ஆதரவற்ற 38 ஆயிரத்து 800 தலா ஐந்து அல்லது வழங்கப்படும். இதன்மூலம் 2021-22ஆம் நிதியாண்டில் மொத்தம் ஒரு லட்சத்து 94 ஆயிரம் ஆடுகள் அளிக்கப்படும் என்று தெரிவிக்கப்பட்டுள்ளது.

இந்த திட்டத்திற்கான செலவு குறித்து விரிவாக விளக்கப்பட்டுள்ளது. அதன்படி, ஒரு ஆடு 3,500 ரூபாய் என்ற விலைக்கும், அதற்கான விதைச் செலவு 200 ரூபாய் என மொத்தம் 71.78 கோடி ரூபாய் செலவிடப்படுகிறது. இந்த ஆடுகளுக்கு இரண்டு ஆண்டு காலத்திற்கு காப்பீடு 3.395 கோடி ரூபாய் ஆகும். இந்த திட்டத்திற்கான கூட்டங்கள், அதிகாரிகளுடனான ஆலோசனைகள், விளம்பரங்கள் என 0.164 கோடி ரூபாய் நிதியும்,

கிராம அளவில் களப்பணி செய்து ஆவணப்படுத்துவதற்கு 0.291 கோடி ரூபாய் நிதியும் என மொத்தம் 75.63 கோடி ரூபாய் நிதி ஒதுக்கப்பட உள்ளதாக கூறப்பட்டுள்ளது. விலையில்லா ஆடுகள் திட்டத்தின் மூலம் பயன்பெறுவதற்கு சம்பந்தப்பட்ட பெண்கள் ஏழ்மை நிலையில் வசித்து வருபவர்களாக வறுமை கோட்டிற்கு கீழ் இருக்க வேண்டும்.

குறிப்பாக ஏழை விதவைகள் அல்லது கைவிடப்பட்ட பெண்கள் அல்லது ஆதரவற்ற பெண்களாக இருக்க வேண்டும். நிலமற்ற விவசாயத் தொழிலாளர்களாக இருக்க வேண்டும். சம்பந்தப்பட்ட கிராம பஞ்சாயத்தில் நிரந்தர வசிப்பாளராக இருப்பது அவசியம். வயது 60க்கு உட்பட்ட நபர்களாக இருப்பது அவசியம். பயனாளிகள் ஏற்கனவே ஆடுகள், மாடுகள் வைத்திருக்கக் கூடாது.

மேலும் மத்திய, மாநில அரசு ஊழியர்கள், கூட்டுறவுத்துறை அல்லது உள்ளாட்சி அமைப்புகளில் அங்கத்தினர்களாக இருக்கக் கூடாது. எஸ்.சி மற்றும் எஸ்.டி பிரிவை சேர்ந்த 30 சதவீத பேருக்கு வழங்க நடவடிக்கை எடுக்கப்படும். தகுதி வாய்ந்த பயனாளர்கள் தேர்வு செய்யவும், ஆடுகளை முறைப்படி வழங்குவதை கண்காணிக்கவும் கால்நடைத்துறையின் துணை இயக்குநர் தலைமையில் குழு அமைக்கப்படும் என்று குறிப்பிடப்பட்டுள்ளது.



Source link

Leave a Reply

Adsterra
%d bloggers like this: