Adsterra

dmk mp ramesh: திமுக எம்.பி செம ஷாக்; நீதிமன்றம் பரபரப்பு உத்தரவு! – madras high court has directed the viluppuram cbcid additional sp to oversee the investigation into the murder case of cuddalore dmk mp ramesh

கடலூர் மாவட்டம் பணிக்கன்குப்பம் பகுதியில், திமுக எம்.பி. ரமேஷுக்கு சொந்தமான முந்திரி ஏற்றுமதி நிறுவனத்தில் பணியாற்றி வந்த மேல்மாம்பட்டை சேர்ந்த தொழிலாளர் கோவிந்தராசு மர்மமான முறையில் மரணம் அடைந்தார். ஆனால் பிரேத பரிசோதனையில் கோவிந்தராசு கொலை செய்யப்பட்டது உறுதி செய்யப்பட்டது.

இந்த சம்பவம் தொடர்பாக திமுக எம்.பி உள்ளிட்டோருக்கு எதிராக கொலை வழக்கை பதிவு செய்து சிபிசிஐடி, காவல்துறை விசாரித்து வருகிறது. இந்நிலையில், சிபிசிஐடி முறையாக விசாரிக்காததால், வழக்கை சிபிஐக்கு மாற்ற உத்தரவிட வேண்டும் என கோவிந்தராசுவின் மகன் செந்தில்வேல் வழக்கு தொடர்ந்தார்.

இந்த மனு நீதிபதி நிர்மல்குமார் முன் விசாரணைக்கு வந்தபோது, சிபிசிஐடி தரப்பில் ஆஜரான தலைமை குற்றவியல் வழக்கறிஞர் ஹசன் முகமது ஜின்னா, சிபிசிஐடி விசாரணை முறையாக நடைபெறுவதாகவும், புதிய விசாரணை அதிகாரியாக விழுப்புரம் மாவட்ட சிபிசிஐடி ஆய்வாளர் சுந்தரராஜன் நியமிக்கப்பட உள்ளதாகவும், சிபிஐ விசாரணை தேவையில்லை என்றும் வாதிட்டார்.

மாடு மேய்க்கும் சிறுவனுக்கு பொறுப்பு; பா.ம.கவினரை பதறவிட்டார் ராமதாஸ்!

இந்த வழக்கில் இன்று உத்தரவு பிறப்பித்த நீதிபதி நிர்மல்குமார், முந்திரி நிறுவன தொழிலாளி கோவிந்தராசு கொலை வழக்கு தொடர்பாக சிபிசிஐடி புதிய விசாரணை அதிகாரி விசாரணையை தொடரலாம் எனவும், அதை விழுப்புரம் கூடுதல் எஸ்.பி கண்காணிக்கவும் உத்தரவிட்டு வழக்கை முடித்து வைத்தார்.

Source link

Leave a Reply

Adsterra
%d bloggers like this: