Adsterra

dmk mla poondi kalaivanan: இல்லம் தேடி கல்வி; திமுக எம்எல்ஏ திடீர் முடிவு! – illam thedi kalvi scheme awareness vehicle was launched in the presence of dmk mla poondi kalaivanan

கொரோனா பெருந்தொற்று காலத்தில் மாணவர்களிடையே ஏற்பட்டுள்ள கற்றல் இழப்பை ஈடுசெய்ய தமிழக முதலமைச்சரின் ஆணைப்படி பள்ளிக்கல்வி துறை மூலமாக இல்லம் தேடி கல்வி எனும் திட்டம் தமிழகம் முழுவதும் செயல்படுத்தப்பட்டு வருகிறது.

இதன் ஒரு பகுதியாக திருவாரூர் மாவட்டத்தில் 10 ஒன்றியங்களிலும் 8 கலைக்குழுவினரைக் கொண்டு பொதுமக்களிடையே இந்த திட்டம் சார்ந்து விழிப்புணர்வு ஏற்படுத்த விழிப்புணர்வு கலைப்பிரச்சார வாகனம் தொடங்கி வைக்கப்பட்டது. இந்த நிகழ்ச்சி திமுக எம்எல்ஏ பூண்டி கலைவாணன் முன்னிலையில் நடந்தது.

இவ்விழிப்புணர்வு கலைப்பிரச்சார வாகனத்தின் மூலம் மாவட்டத்திலுள்ள 10 ஒன்றியங்களிலும் ஒரு நாளைக்கு இரண்டு பள்ளிகள், இரண்டு குடியிருப்பு பகுதிகள் என்ற வகையில் 10 நாட்களில் மாவட்டம் முழுவதும் கலைக்குழு மூலம் இல்லம் தேடிக் கல்வி திட்டம் தொடர்பாக விழிப்புணர்வு நிகழ்ச்சி நடத்திட திட்டமிடப்பட்டுள்ளது.

இதற்காக மாநிலம் மற்றும் மாவட்ட அளவில் பயிற்சி பெற்ற தேர்தெடுக்கப்பட்ட வீதி நாடக கலைஞர்களைக் கொண்டு இத்திட்டத்தின் குறிக்கோளினை பொதுமக்கள் மற்றும் மாணவர்களிடத்தில் எடுத்து செல்லப்பட உள்ளது.

கனமழை; கலெக்டர் பிறப்பித்த அதிரடி உத்தரவு!

மேலும், இல்லம் தேடிக் கல்வி திட்டமானது கொரோனா பெருந்தொற்று பொது முடக்க காலங்களில் 1 முதல் 8 வகுப்புகள் வரை பயிலுகின்ற மாணவர்கள் கற்றல் இழப்பினை ஈடுசெய்வதே இந்த திட்டத்தின் முக்கிய நோக்கம் ஆகும்.

அதேபோல் பள்ளி நேரங்களை தவிர்த்து மாணவர்களின் வசிப்பிடம் அருகே தன்னார்வலர்களைக் கொண்டு மாணவர்களுக்கு கற்றல் வாய்ப்பை வழங்குதல், கற்றல் திறன்களை திட்ட செயல்பாடுகளின் வாயிலாக மீண்டும் வலுப்படுத்துதல் ஆகும்.

மக்களுக்கு ஹேப்பி நியூஸ்; தக்காளி கிலோ ரூ. 30 தான்!

மேலும் குறைந்தபட்சம் 6 மாத காலத்திற்கு 1 முதல் 1 ½ மணி நேரம் எளிய முறையில் செயல்பாடுகள் வாயிலாக கற்றல் வாய்ப்பை வழங்குதல் என மாவட்ட ஆட்சியர் காயத்ரி கிருஷ்ணன் தெரிவித்தார்.

இந்த நிகழ்வில் மாவட்ட வருவாய் அலுவலர் சிதம்பரம், மாவட்ட ஊராட்சித்தலைவர் பாலசுப்ரமணியன், முதன்மை கல்வி அலுவலர் தியாகராஜன், மாவட்ட கல்வி அலுவலர்கள் மணிவண்ணன், பார்த்தசாரதி உள்ளிட்ட அரசு அலுவலர்கள் கலந்து கொண்டார்கள்.

Source link

Leave a Reply

Adsterra
%d bloggers like this: